സുബിന്
ബോംബെയില് അറുപതുകളുടെ അവസാനത്തിലും എഴുപതുകളുടെ തുടക്കത്തിലുമായി ദക്ഷിണേന്ത്യക്കാരെ തിരഞ്ഞു പിടിച്ച് തല്ലിയാണ് ശിവസേന പിറന്നുവീഴുന്നത്. മഹാരാഷ്ട്രക്കാര്ക്ക് അവകാശപ്പെട്ട സംസ്ഥാനത്തെ വെളളക്കോളര് ജോലികള് കൊണ്ടുപോകുന്നു എന്ന കാരണം പറഞ്ഞായിരുന്നു അന്നത്തെ തല്ല്. അന്നത്തെ ശിവസേനയുടെ തോന്നിവാസത്തിന്റെ എസന്സാണ് മഹാരാഷ്ട്ര നവനിര്മ്മാണ് സേന.
എസന്സിന്റെ മേന്മ എംഎന്എസ് വീണ്ടും തെളിയിച്ചു. മഹാരാഷ്ട്ര നിയമസഭയില് സമാജ്വാദി പാര്ട്ടിയുടെ എംഎല്എയായ അബു അസ്മി ഹിന്ദിയില് സത്യപ്രതിജ്ഞ ചെയ്യാന് ശ്രമിച്ചു. എംഎല്എമാര് മറാത്തിയില് സത്യപ്രതിജ്ഞ ചെയ്യരുതെന്ന് രാജ്താക്കറെയുടെ സുഗ്രീവാജ്ഞയുണ്ടായിരുന്നു. അബു അസ്മി ഇത് ലംഘിക്കാന് ശ്രമിച്ചത് നശീകരണ സേനയുടെ വാനരന്മാര്ക്ക് സഹിച്ചില്ല. അവര് അസ്മിയെ വളഞ്ഞിട്ട് തല്ലി.
നമ്മുടെ രാജ്യം പിന്തുടരുന്നത് രാജ് താക്കറെയുടെ ഭരണഘടനയല്ല. ഒരു സംസ്ഥാനത്തെ തിരഞ്ഞെടുക്കപ്പെട്ട ജനപ്രതിനിധികള് ഏത് ഭാഷയില് സത്യപ്രതിജ്ഞ ചെയ്യണം എന്നത് നിശ്ചയിക്കാന് രാജ്താക്കറെ ആരും ചുമതലപ്പെടുത്തിയിട്ടില്ല. എല്ലാവര്ക്കും അപമാനമാണ് ഈ മഹാനശീകരണ സേന.
No comments:
Post a Comment