സുബിന്ക്രിക്കറ്റ് ഒരു മതമാണെങ്കില്‍ സച്ചിനാണ് 'ദൈവം' 1999ല്‍ ഇംഗ്ലണ്ടില്‍ നടന്ന ലോകകപ്പിനിടെ ഗ്യാലറിയില്‍ ഏതോ സച്ചിന് ആരാധകന്‍ ഉയര്‍ത്തിയ ബാനറിലായിരുന്നത്രേ ഈ വാചകങ്ങള്‍ ആദ്യമായി പ്രത്യക്ഷപ്പെട്ടത്. മലയാളത്തിലെ കളിയെഴുത്തുകാരില്‍ പ്രധാനിയായ കെ വിശ്വനാഥാണ് സമാനമായ വാക്കുകള്‍ ഉപയോഗിച്ച് സച്ചിനെക്കുറിച്ച് മാതൃഭൂമിയില്‍ എഴുതിയിരിക്കുന്നത്.
സച്ചിന് ടെണ്ടുല്‍ക്കര്‍ അന്താരാഷ്‍‍ട്രതലത്തില്‍ കളിതുടങ്ങിയിട്ട് നവംബര്‍ 15ന് രണ്ട് പതിറ്റാണ്ട് പൂര്‍ത്തിയാവുന്ന അവസരമാണ് അദ്ദേഹത്തെ ഒരിക്കല്‍ കൂടി ആഘോഷിക്കാന്‍ മാധ്യമങ്ങള്‍ ഉപയോഗിച്ചിരിക്കുന്നത്. സച്ചിന് സമാനതകളില്ലാത്ത പ്രതിഭാസമാണെന്നതില്‍ കാര്യമായ തര്‍ക്കങ്ങളുണ്ടാവില്ല.
ടെസ്റ്റിലും ഏകദിനത്തിലുമായി അടിച്ചുകൂട്ടിയത് മുപ്പതിനായിരത്തോളം റണ്‍സ്. ഇതില്‍ 87 സെഞ്ച്വറികളും 144 അര്‍ദ്ധസെഞ്ച്വറികളും. ഫസ്റ്റ്ക്ലാസ് കളികൂടി കണക്കിലെടുത്താല്‍ റണ്‍സ് അമ്പതിനായിരം കടക്കും. മാതൃഭൂമിയും മലയാള മനോരമയും പ്രത്യേകം പേജുകള്‍ തന്നെ ക്രിക്കറ്റിലെ ദൈവത്തിനായി സമര്‍പ്പിച്ചിരിക്കുന്നു.
തികഞ്ഞ ആരാധനയോടെയാണ് കെ വിശ്വനാഥ് മാതൃഭൂമിയില്‍ സച്ചിനെക്കുറിച്ചെഴുതിയിരിക്കുന്നത്. അത്യുന്നതങ്ങളില്‍ സച്ചിന് സ്തുതി. അടിയുറച്ച സച്ചിന് വിശ്വാസിയായ വിശ്വനാഥ് സച്ചിനെ നിര്‍വ്വചിക്കുന്നതിങ്ങനെ "ഗവാസ്ക്കറുടെ അടിയുറച്ച പ്രതിരോധ തന്ത്രങ്ങള്‍ അതേപടി സച്ചിനിലുണ്ട്. ഈ പ്രതിരോധ തന്ത്രങ്ങളില്‍ അടിയുറച്ച് നിന്നുകൊണ്ട് തീര്‍ത്തും അക്രമോത്സുകമായ ഷോട്ടുകള്‍ കളിക്കുന്നു എന്നതാണ് സച്ചിന്‍റെ പ്രസക്തി"
സച്ചിന്‍റെ പഴയ ഫോട്ടോകള്‍ അദ്ദേഹത്തിനു തന്നെ കാണിച്ചു കൊടുത്താല്‍ എന്തായിരിക്കും പറയുക! സച്ചിന് പറയാന്‍ സാധ്യതയുളള വാക്കുകള്‍ കൂട്ടിച്ചേര്‍ത്ത് മലയാള മനോരമ ആല്‍ബം തയ്യാറാക്കിയിരിക്കുന്നു. വ്യത്യസ്ഥവും ലളിതവുമായിട്ടുണ്ട് സച്ചിന് ആല്‍ബം . ക്രിക്കറ്റിനെയും സച്ചിനേയും വായിക്കാന്‍ താത്പര്യമുളളവര്‍ക്ക് വേണ്ടതെല്ലാം മനോരമയും മാതൃഭൂമിയും ചേര്‍ന്ന് നല്‍കിയിട്ടുണ്ട്. മറ്റ് പത്രങ്ങള്‍ ഇവയുടെ ഏഴയലത്തുപോലും എത്തിയിട്ടില്ല. ആ ക്ഷീണം നാളെ തീര്‍ക്കുമെന്ന് പ്രതീക്ഷിക്കുന്നു.
..................................................................................................................................
No comments:
Post a Comment