ലാവലിന് കേസില് ഗവര്ണ്ണര് ആര് എസ് ഗവായുടെ തീരുമാനം ചോദ്യം ചെയ്ത് സംസ്ഥാനസര്ക്കാര് സുപ്രീംകോടതിയില് സത്യവാങ്മൂലം നല്കി. മന്ത്രിസഭാ തീരുമാനം മറികടന്ന് മുന്മന്ത്രി പിണറായി വിജയനെ വിചാരണ ചെയ്യാന് സിബിഐക്ക് അനുമതി നല്കിയ ഗവര്ണ്ണറുടെ തീരുമാനമാണ് ചോദ്യം ചെയ്യപ്പെടുന്നത്. ദേശാഭിമാനി ഈ വാര്ത്തക്ക് നല്കിയിരിക്കുന്ന തലക്കെട്ട് ഇങ്ങനെ -ഗവര്ണ്ണറുടെ നടപടി ഭരണഘടനാവിരുദ്ധം. ആരാണ് അങ്ങനെ പറഞ്ഞത്. ഈ വിഷയത്തില് സുപ്രീംകോടതി യാതൊരു തീരുമാനവുമെടുത്തിട്ടില്ല. പിന്നെന്തിനാണ് ഇത്തരം വിഡ്ഢിത്തരങ്ങള്ക്ക് മുതിരുന്നത്. തീര്ച്ചയായും സിപിഐഎമ്മിന് വിഷയത്തില് താത്പര്യങ്ങളും നിലപാടും കാണും. അതുപറയാനല്ലേ നിലപാട് പേജ്. നിലപാടുകളെ കുത്തിനിറച്ച് തലക്കെട്ടുപോലും തെറ്റിദ്ധരിപ്പിക്കുന്ന രീതിയില് നല്കുന്നതിനെ വാര്ത്തയെന്ന് വിളിക്കാനാവില്ല.
ഇന്ന് വാര്ത്തകളില് തങ്ങളുടെ നിലപാട് കൃത്യമായി പ്രതിഫലിപ്പിച്ചിട്ടുളള മറ്റുരണ്ട് പത്രങ്ങളാണ് മാധ്യമവും ദീപികയും. ഈ പത്രങ്ങളില് നിന്ന് തിരഞ്ഞെടുത്ത വാര്ത്തകള് .
- കോയമ്പത്തൂര് സ്ഫോടനം: മഅ്ദനിയെ വിട്ടത് ശരിവെച്ചു - മാധ്യമം
- അരക്ഷിതാവസ്ഥ വളര്ത്തി മുസ്ലിംകളെ തളര്ത്താന്ശ്രമം - മാധ്യമം
- പൊലീസല്ല, മറ്റു ചിലരാണ് വേദനിപ്പിച്ചതെന്ന് മുത്തലിബ് - മാധ്യമം
- സൂഫിയയോട് ചെയ്യുന്നതും സിസ്റ്റര് സെഫിയോട് ചെയ്തതും- ദീപിക
ചുമതലാബോധമുളള രാഷ്ട്രീയ പാര്ട്ടികള് ഇത്തരം വര്ഗ്ഗീയച്ചുവയുളള മിന്നലാട്ടങ്ങള്ക്കുനേരെ മിണ്ടാതിരിക്കരുത്.
No comments:
Post a Comment